Bulawan Queen Taga-Monkayo

Taga-Monkayo ang “2018 Bulawan Queen”

Compostela Valley Province--- Si Elaisa Monica M. Mascariñas sa lungsod sa Monkayo maoy gikuronahan ni Gov. Jayvee Tyron Uy nga “2018 Bulawan Queen” sa Compostela Valley human gideklarang mananaug sa mga hurado atol sa bag-o nahumang “Bulawan Queen Pageant Night” niadtong Marso 5, 2018 sa gabii nga ikaduhang adlaw sa lima ka adlawng selebrasyon sa “11^th Bulawan Festival” ug 20^th Founding Anniversary” sa probinsiya.

Parte sa Contest ang interview portion nga tungod sa maayong pagpanubag ni Miss Mascariñas misaka ngadto sa 90.20% ang  total points nga gihatag kaniya sa mga hurado, ug nagsunod kaniya si Bulawan Earth 2018 Princess Faye T. Fernandez sa Laak sa Total Points nga 87.60%.

Apil sad sa mga mananaug sa Major Awards sila 1^st Runner Up Winner Recell Jean A. Bitanga sa Compostela, 2^nd Runner Up Winner Goldy Bless Esmeralda sa Nabunturan, ug 3^rd Runner Up Winner Marielle Zyra V. Go sa Mabini.

Dugang attraction sa “Bulawan Queen Pageant Night” ang Serenade Portion ni Cris Lawrence- usa sa mga labing sikat nga singer sa nasud nga mihatag sad og dugang pa nga mga paglingaw sa mga katawhang Comvaño.

Alas 8:00 sa gabii niadtong Marso 5,2018 gisugdan ang “Bulawan Queen Pageant Night” sa Opening Remarks ni Bulawan Festival Action Office SP Member Joanna Aileen Gentugaya ug human niini ang Festival Message ni Gov. Jayvee Tyron Uy.

Gipasabot sa gobernador nga timely ang pag-evolved sa Bulawan Queen karong tuiga ngadto sa taas nga lebel sa Beauty Contest tungod mas gipakusog ang Women Empowerment labi na nga International Womens’ Month ang Marso ug Womens’ Day ang Marso 8 nga Founding Anniversary sa Compostela Valley. (Gilbert M. Cabahug, IDS-Comval)