𝐁𝐃𝐏 𝐅𝐮𝐧𝐝𝐞𝐝 𝐩𝐫𝐨𝐣𝐞𝐜𝐭𝐬 𝐧𝐠𝐚 𝐒𝐨𝐥𝐚𝐫 𝐒𝐭𝐫𝐞𝐞𝐭 𝐋𝐢𝐠𝐡𝐭𝐬 𝐮𝐠 𝐬𝐞𝐦𝐞𝐧𝐭𝐚𝐝𝐨𝐧𝐠 𝐅𝐚𝐫𝐦 𝐭𝐨 𝐌𝐚𝐫𝐤𝐞𝐭 𝐑𝐨𝐚𝐝 ...

 

... 𝐠𝐢 𝐭𝐮𝐫𝐧-𝐨𝐯𝐞𝐫 𝐬𝐚 𝐬𝐚 𝐁𝐫𝐠𝐲. 𝐁𝐚𝐠𝐨𝐧𝐠 𝐒𝐢𝐥𝐚𝐧𝐠, 𝐌𝐚𝐫𝐚𝐠𝐮𝐬𝐚𝐧

Duna nay sementadong “Farm to Market Road (FMR)” ug “Solar Street Lights” ang Brgy.Bagong Silang, Maragusan nga gi turn-over dayon sa mga katawhan sa barangay pipila ka adlaw human ang Construction and Installations mismo nila ni Gov. Jayvee Tyron Uy  ug Mayor Maricel Colina-Vendiola.

Kining mga proyektoha apil sa gatusang mga proyektong imprastraktura nga gipaspasan pagpatrabaho sa probinsya gamit ang dakong pundo nga gihatag sa Davao de Oro ni Pang. Rodrigo Roa Duterte pinaagi sa National Task Force (NTF) – ELCAC ug Oplan Pagabago ELCAC.

Sa milabayng Huwebes (Marso 10,2022) nag-uban sila si Gov. Tyron Uy ug Mayor Maricel  Colina-Vendiola ug mga kauban nga sila si 66th IB Commander Julius Munar, RPSB Team Leader Police Master Sergeant Leonilo Vicere, ug ang  Municipal ug Brgy. Officials pagtunol sa bag-o lang nahumang sementado nang “Farm to Market Road (FMR)” ug “Solar Street Lights” ngadto sa mga katawhan sa Brgy. Bagong Silang.

Human niini gi turn-over sad nila dayon niadto gihapong adlawa ang laing tulo ka mga BDP Funded Projects nga sementadong karsada, Solar Street Lights, ug School Building sa Brgy.Coronobe nga sakop gihapon sa lungsod sa Maragusan.

Ilalom sa maayong pagdumala ni Gov. Tyron Uy ug SP Members sa pagpanguna nila ni Vice Gov Maricar Zamora ug Papa Gov Senior BM Arturo “Chiongkee” Uy ang PLGU Davao de Oro nakapangayo sa kauluhan og P1.3 Bilyones pundo sa BDP para sa 65 deklarado nang insurgency free barangays sa probinsya nga nakabahin og tag P20 Milyones diin kasagaran niini gigamit sa probinsya pagpatrabaho sa mga proyektong imprastraktura nga sa pagkakaron aduna nay ubay-ubayng nahuman. (Gilbert M. Cabahug PAO-IPRD DdO)