Gi turn-over na mismo ni Gov. Jayvee Tyron Uy (JTU) ang “11.5 KM Cabinuangan-Magangit Farm to Market Road (FMR)” sa New Bataan nga nahuman pagpasemento sa probinsya gamit ang dakong pundo nga gihatag sa Davao de Oro ni President Rodrigo Roa Duterte (PRRD) pinaagi sa Department of Agriculture (DA) ilalom sa Philippine Rural Development Project (PRDP).
Kining proyektoha jointly funded matud ni Gov. Tyron Uy sa PLGU Davao de Oro ug sa National Government pinaagi sa DA-PRDP, nga tungod sa tulo ka bridge components sa project miabot og kapin P191 Milyones ang nagastong pundo sa gobyerno.
Ang bag-o nahuman pagsementong karsada naga konekta matud pa niya sa lima ka mga Barangay sa New Bataan nga mao ang Magangit, Cogonon, Panag, Batinao, ug Cabinuangan nga gawas sa sayon ug komportable, dali na lang makaabot sa Nabunturan nga sa pagkakaron moabot na lang og tunga sa oras ang biyahe gikan duha ka oras panahon nga kining karsadaha wala pa masemento.
“Tungod sa sementadong kalsada, paspas na ang paglatas-latas sa produkto sa atong mag-uuma ug makabiyahe na og sakto ang katawhan. This project is jointly funded by the national government through the Department of Agriculture-Philippine Rural Development Program (DA-PRDP) ug sa Provincial Local Government of Davao de Oro. Dako usab ang natabang para sa realization niini nga plano sa MLGU-New Bataan nga gipanguluhan ni Mayor Geraldford Balbin ug sa atong mga kapitan sa New Bataan nga kauban usab nato ganina nga mao sila Kapitan Alex Luga, Kapitan Everardo Mangubat sa Cogonon, ug Kapitan Serge Mabasa sa Cabinuangan. Daghang salamat sa tanang nagkooperar ug nagtinabangay para niining kabag-uhan nga atong nakab-ot- from inconvenient to accessible roads. This is the change we worked hard for.” Matud ni Gov. Tyron Uy. (Gilbert Magadan Cabahug PAO-ID DdO)
