Opisyal na nga nanumpa aron pagtuman sa mga tahas ug buluhaton nga gisalig kanila sa mga katawhan ang bag-o napiling mga opisyales sa Provincial Coffee Association of Davao de Oro (PCADDO) ug Cacao de Oro Provincial Council, sa atubangan mismo ni Gov. Jayvee Tyron Uy nga maoy nag administer sa ilang Oath-Taking sa milabayng semana diha sa Davao de Oro Capitol Ground.
Ang ilang paghural nahitabo niadtong Nobyembre 19, 2021 atol sa giusang mga dagkong kalihokan nga gipasiugdahan sa D.A. Regional Office XI, sa opisina ni Sen. Cynthia Villar, ug sa PLGU-DdO ilalom sa pagdumala ni Gov. Tyron Uy ug SP Members sa pagpanguna nila ni Vice Gov. Maricar Zamora ug Senior BM Arturo “Chiongkee” Uy.
Atubangan mismo sa Gobernador dungan nga nanumpa ang mga napiling opisyales sa Provincial Coffee Association of Davao de Oro nga sila si Arcadio Sabella sa MAGROW Maragusan-ilang Chairman; si Delio Cesar sa Pine Valley Maragusan- ilang Vice Chair; si Jesilyn Calanao sa Life Brew Nabunturan-ilang Secretary; si Alma Custodio sa LAFARMCO Pantukan-ilang Treasurer; ug ilang BODs nga sila Cipriano Ellaga, Jr. sa New Leyte Maco, Remelito Amabao sa Mabini (MAFAASO), Merelyn L. Sinon sa Montevista, ug Doming Guilabtan sa New Bataan.
Samtang, ang mga napiling opisyales sa Cacao de Oro Provincial Council nga dungan sad nga nanumpa niadtong adlawa atubangan ni Gov. Tyron Uy sila Juanito Aquino sa Monkayo-ilang Chairman; Armando Esquadro sa Maragusan-ilang Vice Chair; Norma Panarez sa Maragusan-ilang Treasurer; Noel Molijon sa Montevista-ilang Auditor; ug BODs nga sila Mercedes Sabanal sa New Bataan, Rodel Balingcos sa Compostela, Noel Molijon sa Montevista, Francisco Benaro sa Maco; Jerry Ellaga, Jr. sa Masara line Maco, Jerry Bacote sa Mabini, Wilfredo Alfante sa Pantukan, Feliciano Cal sa Laak, Ethel Angco sa Nabunturan, Armando Esquadro sa Maragusan, ug Ricardo Ramos sa Mawab.
Human sa ilang Oath Taking gipangunahan sad dayon sa Gobernador ang pagtunol sa mga farm toolkits ngadto sa pampublikong mga eskwelahan sa DdO nga nagpartisipar sa Gulayan sa Paaralan, ug ang pagtunol sad nila ngadto sa mga rice-based farmer’s and irrigators association sa Davao de Oro sa mga Agricultural Machineries nga gipalit sa DA pinaagi sa Philippine Center for Postharvest Development and Mechanization (PhilMech) gamit ang P35.2 Milyones nga Rice Competitiveness Enhancement Fund (RCEF) sa palasyo. (Gilbert Magadan Cabahug PAO-ID DdO)
