MONKAYO, Davao de Oro - Pormal na nga giabrehan sa Lokal nga Panggamhanan sa Lungsod sa Monkayo ang "EmMANUEL: A Christmas Feast" — ang selebrasyon sa munisipyo alang sa kapaskuhan.
Nahisama sa usa ka Christmas Village ang palibot sa Government Center human napuno kini sa kahayag sa mga suga nga maoy usa sa mga simbolo sa pasko. Napuno usab og mga dekorasyon ang palibot niini sama sa Belen, Parol ug Christmas Lights nga nagdungag og kanindot sa Christmas Village.
Adunay 21 ka mga parol ug 11 ka mga Belen ang opisyal nga gipasundayag ngadto sa publiko ug giatangan sab sa katawhan ang pagpasiga sa dako nga Christmas Tree nga adunay katas-on nga 12 metros nga masayran kutob Disyembre 25 ug ang Fireworks Display.
Sumala pa ni First District Congresswoman Maricar Zamora, “Ang tinood nga diwa sa pasko dili makita sa dekorasyon apan makita sa sulod sa kasing-kasing. Karong gabhiona, atong masaksihan ang pagpasiga sa pinakataas nga Christmas Tree nga atong nahimo sa lungsod sa Monkayo sukad pa sauna” Subay sa paglunsad, gi-abrihan sab ang Christmas Bazaar diin mga barato lamang ang baligya niini sama sa mga sinina, sapatos ug uban pa.
Anaa sab ang lamiang mga pagkaon sa Christmas StrEAT diin nahimong konsesyonaryo ang mga lokal food vendors.
Sa samang seremonya, gipakita usab ngadto sa katawhan ang usa ka presentasyon nga gitawag og “A Decade of Hope and Thanksgiving: Emmanuel (God is with Us)” isip paghinumdom sa ika- 10 nga anibersaryo sa Bagyong Pablo.
“Napulo ka tuig sukad nga ang lungsod sa Monkayo ug ang kinatibuk-ang probinsya nakangkon og usa ka dako nga pagsulay pinaagi sa Bagyong Pablo. Dinha sa napulo ka tuig, atong napamatud-an nga kaya diay natong mubangon tungod kay ang Ginoo kauban nato. Emmanuel, God is with us.” matod pa ni Congresswoman Zamora.
Anaa ang presensya sa tibook LGU Monkayo gipanguluhan ni Mayor Manuel "Way Kurat" Zamora kauban si Congresswoman Maricar Zamora, Vice Governor Jayvee Tyron Uy, Senior Board Member Herv Martelle Zamora-Apsay, Vice Mayor Manuel "Junjun" Brillantes, Jr., kauban ang Sangguniang Bayan Members Hon. Manuel "JayR" Zamora, Jr., Hon. Allen Cabag, Hon. Jocelyn Cabag-Burgos, Hon. Maria Ceniza, Hon. Bienvenido Esguerra, Hon. Kimberly Benazir May Codilla-Amad, Hon. Crison Martesio, Hon. Domingo Estrada, Hon. Ivan Jello Cajes, Hon. Carlos Duron, Hon. Moises Bacolod ug ang 21 ka mga Barangay Kapitan sa lungsod.
Gilingaw usab sa bandang Muses ang katawhan human nagpasundayag sa ilahang nindot nga mga sonata. Mulungtad ang EmMANUEL: A Christmas Feast hangtod Disyembre 25, 2022 ug sa matag adlaw niini adunay mga pakulo nag giandam ang Lokal nga Panggamhanan sama sa Live Band, Children Film Viewing, ug uban pa matag gabii.
Nakigduyog usab sila Board Member Renato Basañes, Board Member Eutropio Jayectin, Mayor Levi Ebdao, Mayor Gerald Ford Balbin, Vice Mayor Larry Pagalan, Vice Mayor Ricky Hechanova, Vice Mayor Joey Lungtad inubanan sa mga SK members sa matag munisipyo.
Municipal Information Office Local Government of Monkayo
December 4, 2022
