Duna nay opisina ang Philippine Charity Sweepstakes (PCSO) sa Davao de Oro diha mismo sa kapitolyo nga gituyo pagbutang, matud ni PCSO Davao del Sur(Davao City) OIC Manager Ellyn A. Ostan, aron mapaduol sa mga katawhan sa Davao de Oro ang mga programa niini sama sa padayong paghatag og Medical Assistance ug libreng serbisyo sa panglawas diha sa Malasakit Center ug magdasig sa mas kusog nga promotion sa mga produkto sa PCSO nga sagad ang dakong bahin sa kita mopaingon sa charity services sa gobyerno.
Ang pag-operate gisugdan sa malampusong “Blessing and Opening of PCSO Davao de Oro Branch” nga gipangunahan mismo ni Gov. Jayvee Tyron Uy kauban ang mga dagkong opisyal sa PCSO nga sila PCSO OIC Branch Manager Ellyn A. Ostan, Davao del Sur/Davao City Branch; PCSO Vice-Chair Person and General Manager Royina Marzan-Garma, PCSO Assistant General Manager for Branch Operation Sector Atty.Lauro A Patlag, ug PCSO Mindanao Department Manager Engr. Federico A. Damole.
Ang giusang Blessing and Opening nahitabo niadtong Pebrero 18,2022 sulod sa opisina niini diha sa 2nd Floor Left Wing sa Provincial Capitol of Davao de Oro sa Brgy. Cabidianan, Nabunturan nga gitambongan sad nila Mayor Lema Bolo sa Compostela ug Mayor Maricel Colina Vendiola sa Maragusan nga midawat niadtong adlawa sa tseke nga Share sa LGU ug sa P50 mil nga medisina nga gitunol sa mga dagkong opisyal sa PCSO. (Gilbert Magadan Cabahug PAO-IPRD DdO, Photos from Godofredo Mativo)
