𝐂𝐚𝐩𝐢𝐭𝐨𝐥 𝐒𝐩𝐨𝐫𝐭 𝐅𝐞𝐬𝐭 𝐧𝐚𝐭𝐚𝐩𝐨𝐬 𝐧𝐠𝐚 𝐛𝐢𝐛𝐨 𝐩𝐢𝐧𝐚𝐚𝐠𝐢 𝐬𝐚 “𝐁𝐚𝐭𝐭𝐥𝐞 𝐨𝐟 𝐭𝐡𝐞 𝐁𝐚𝐧𝐝𝐬”

 

Isip panapos nga programa sa pagselebrar sa Sports Fest 2022 sa mga empleyado sa PLGU-Davao de Oro, gibatigbabaw gayud sa home-grown talents sa kapitolyo ang ilang kahanas sa musika pinaagi sa gipahigayong "Battle of the Bands" didto mismo sa Capitol Grounds karung hapona.

Sa maong kompetisyon nahimong Champion o 1st Place ang Team Captain America "The Captain America Band", gisundan kini sa Team Thor "The Golden Collective Band" isip 2nd Place, Team Hulk "D' Hulkage Band" isip 3rd Place ug Team Iron Man "The Metallic Band" isip 4th Place.

Sa maong panapos, nakigtimbayayong usab si Governor Dorothy Montejo-Gonzaga inubanan ni 2nd District Representative Congressman Ruwel Peter Gonzaga diin mipadayag sila sa makanunayong supporta alang sa mga empleyado sa kapitolyo. "We are committed...andam kaayu musupport sa tanang paagi para malipay atong empleyado. kaning tanan para ni kaninyo as an avenue nga madevelop atong sportsmanship" matud ni Gov. Gonzaga. 

Midugang usab ug cash prize si Gov. Dorthy Gonzaga ug Cong. Ruwel Gonzaga ngadto sa tanang teams ug working committee nga maoy nahimong instrumento sa pagkamalamupuson sa gipahigayong aktibidad.

Unang gipahigayon sa kabuntagon ang championship games sa nakadaiyang sports events diin mas nipatigbabaaw ang sportsmanship ug healthy competition sa matag team arun masungkit ang kampyonato sa sports fest karung tuiga. 

Present usab si Acting Provincial Administrator Fatima Montejo, Vice Gov. Tyron Uy, Senior Board Member Herv Zamora, Board Member Vivencia Secuya,  PHRMDO Head Lara Zaphire Kristy Bermejo ug uban pang nga department heads diin mipakita usab sa ilang takos nga pasalamat sa kalampusan sa programa.

(J. Fernandez, PAO-IPRD DdO, photos by A. Dayao)