𝐋𝐢𝐛𝐮-𝐥𝐢𝐛𝐨𝐧𝐠 𝐤𝐚𝐭𝐚𝐰𝐡𝐚𝐧 𝐥𝐢𝐧𝐠𝐚𝐰 𝐬𝐚 𝐖𝐚𝐥𝐚𝐧𝐠 𝐈𝐰𝐚𝐧𝐚𝐧 𝐂𝐨𝐧𝐜𝐞𝐫𝐭 𝐬𝐚 𝐏𝐚𝐧𝐭𝐮𝐤𝐚𝐧

Sa makausa pa napuno sa naglanog-lanog nga singgit, katawa, ug hudyaka sa libu-libong mga katawhan nga malipayong misaksi sa Walang Iwanan Concert, kalingawan panahon sa kagabhion, nga gidalit atol sa selebrasyon sa kapistahan ni Sr. San Jose nga gisaulog sa San Jose Parish sa Pantukan Marso 19,2022.

Ang Concert, nga naghimong talagsaon ug mas lingaw nga selebrasyon sa Fiesta, malipayong gidalit sa mga Sponsors nga sila Gov. Jayvee Tyron Uy, Papa Gov Senior BM Arturo “Chiongkee” Uy, SB Member Mes Catherine Uy Pangay, Former Gov. Atty. Jose Caballero, Mayor Roberto Yugo, SB Member Chino Sarenas, sa Walang Iwanan Production Team, ug mga kauban sa Team Anak ng Pantukan.

Ang Walang Iwanan Concert diha himoa sa Pantukan Sports Complex nga napuno sa libu-libong mga katawhan nga puno sa kalipay ug kasadya nga misaksi sa mga paglingaw nga gidalit nila Dominic Roque, Querobin Llavorie, sa Day Break Band, Rennaizanz PH, ug Garbo All Stars nga kauban ni Papa Gov pagdalit sa nindot niyang awit nga gikahinamang paminawon sa mga katawhan sa lungsod.

“Walang Iwanan sa Kalingawan! Happy fiesta sa tanang Pantukenyos! Amoang pasalamat sa inyuhang pagmahal sukad sauna hangtod karon! Padayon kita sa nasugdang kabag-ohan sa lungsod sa Pantukan!

 Daghang salamat sa tanang niadto ug nitan-aw sa atong simpleng Walang Iwanan Concert! Salamat sa Walang Iwanan production team … for making this possible! Aduna pay daghang atangan sa umaabot nga adlaw!” Matud ni Papa Gov Arturo “Chiongkee” Uy. (Gilbert Magadan Cabahug PAO IPRD DdO, Photos from Chino Sarenas-Anak ng Pantukan/Papa Gov)